رحلة زيارة لمظلوم سياسي

انا راجعة تعبانة جدا من الزيارة و افكار كتير ملخبطة في دماغي معلش استحملوني..اليوم كان متعب جدا لكن في اوله كان عندي امل قوي اني ازور عشان انهاردة كنت جايبة اكل مخصوص لشادي عشان يكسر الاضراب. شادي بقاله ١٨ يوم علي ماية بس..مش عارفة ازاي و لا قادرة اتخيل و لا عارفة اشرحلكوا تاثير ده علينا كان ايه..المهم الامل بدا يقل مع مرور الوقت و دخول كل الزيارة الا انا..روحت وقفت اودام باب السجن عشان يشوفوني يمكن ادخل..بدات دموعي ننزل غصب عني من الرعب اني فعلا مشوفش شادي و مطمنش عليه و ميكسرش الإضراب..الامين علي الباب بقي مكسوف مني و هو عمال يفتح الباب و يقفلوا في وشي و الناس و هي طالعة بقوا مخضوضين اني مدخلتش و كل واحد ييواسيني بكلمة تخلي دموعي تنزل اكتر و تصعب علية نفسي اكتر و احس بقلة الحيلة اكتر و اكتر..ازاي وصلنا لكده..ازاي في حاجز بيني و بين جوزي و معرفش حتي اشوفه و اطمن عليه و هو زمانه خسر نص وزنه و الله اعلم حالته ايه..طب هشوفه تاني امتي؟؟ طب هيستحمل الانفرادي ازاي و الزيارة الحاجة الوحيدة اللي بتهون عليه؟؟الف سؤال و عجز رهيب و دموع كتير..انتظار مر لحد الساعة خمسة بدون اكل او شرب و تعب و برد جامد..لحد ما بعد كل ده قالولي لا ..مس هينفع فيه لجنة تفتيش..بقيت مش عارفة اعمل ايه..و لا قادرة ارد..حاولت افكر بكل الضعف و التعب اللي انا فيه..قلت طب ادخل الاكل و امنهم رسالة يقولوا له يوقف الاضراب عشان انا كمان اوقف و اروح اكل..المهم الحمدلله دخلوا الاكل بعد ما قلت اني مش هروح غير لما الاكل يدخل و دعواتي يكون شرب الشوربة او العصير بعد نا فعد ١٨ يوم بيشرب ماية بس..اما هشوفه امتي و ازاي و ايه اللي هيحصلنا فالحمدلله من التعب لسة متبنجة و مش قادرة افكر..

#كفاية_ظلم #الحرية_لشادي_الغزالي

رد الدكتور محمد البرادعى

لماذا وصلنا الى هذا الحد من فقدان الآدمية؟ هل هى سادية؟ هل هو إنتقام؟ وهل ستحيا مصر بهذا الأسلوب؟

للأسف يا سيدي ان هذا هو حال الشعب المغلوب على أمره… يذكرني اليوم بما حدث بالأمس… عندما حشد بوش الابن الجموع و اعتبر من لم يكن موافق على إدانة دول بعينها انه ضد الولايات المتحدة الأمريكية…. إنه مساهم في أحداث ١١ سبتمبر. –

نعم وصل الحد ذروته… فإن كان لك وجهة نظر مختلفة فأنت فلول.. طابور خامس… عميل… تدعوا للفوضى… اخوان…. و هكذا

ليس لنا سبيل الان الا ان نتضرع إلى الله… ان يزيح الغمة….

Published by

knight32747

I believe like others who believe in freedom and believe in the change, as I was sick of the leaders that we did not chose or even elect

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s