ابني مات من زمان….

.- ازيك ياحجه ؟

= الحمد لله يابنى

– انا جاي عشان ابلغك خبر مش حلو

= عارفاه وحساه والباب بيخبط
– هو اية ياحجه ؟

= ابنى مات صح ؟
– ايوة ياحجه .. ربنا يديكى الصحة والبقية فى حياتك

= تعالى ادخل اما اعملك شاى

– شاى اية ياحجه ! بقولك ابنك مات

= عارفة يابنى .. ابنى ميت من زمان .. بس قولى هو مات ازاى المرادى ؟

– مات المرادى !! كان واقف فى محطة القطر ياحجه مستنى القطر بتاعة .. فية قطر جه تقريبا مكنش فيه فرامل خبط فى الرصيف ولع, وولع فى كل اللى حوالية .. للاسف ابنك حتى مش لاقيين منه غير تراب

= سكرك اية يابنى ؟

– هو فى اية ياحجه بس !! وبعدين اية ميت من زمان دى انا مش فاهم ؟ واية الصبر اللى عندك والهدوء دة ؟

= يابنى .. محدش بيهرب من قدرة .. انا عارفة ان ابنى هيموت .. بس اهو كنت بحاول اخلية جنبى اطول فترة .. ابنى ميت من زمان لما اتخرج من كلية الهندسة وملقاش شغل .. ومات مرة تانيه لما حب واحدة وكان نفسة يتجوزها ومكنش لاقى يجيب شقة يتلم فيها هو هى .. ومات مرة لما اشتغل سواق ميكروباص وهو خريج هندسة .. ومات كمان مرة لما ابوه مات وشال همى وهم مرضى وهو مكنش لاقى حتى يجيب فطاره ..ومات مرة لما ..

– كفاية ياحجه ..

= انت عارف يابنى ..ابنى وهو نازل النهاردة كنت حسة انه هيموت للمرة الخامسة ..كان مسافر البلد عشان يشوف شغل هناك عشان يعرف ناس كتير فى بلدنا ..قاللى هاخد الموتوسيكل .. قولتله يابنى بلاش الموتوسيكل دة .. حوادثة وحشة وبتموت .. قاللى خلاص هركب ميكروباص .. قولتله بلاش يابنى .. طريق البلد كله مصارف وميه وتراب والعربيات بتتقلب عليه كتير .. قاللى اروح مشى ؟ قولتله لا خد القطر اهو سهل وامان ومفيهوش بهدله …

– والله مش عارف اقولك ايه ياحجه .. عموما متزعليش الحكومه هتصرفلك 80 الف جنيه عشان تقدرى تعيشى بيهم بعد ابنك

= خليهم للحكومة يابنى مش عايزاهم .. اقولك خليهم يشتروا فرامل جديدة للقطر وقولهم ام محمد بتقولكم اشتروا فرامل .. يمكن يابنى محدش تانى يموت💔😢…

Published by

knight32747

I believe like others who believe in freedom and believe in the change, as I was sick of the leaders that we did not chose or even elect

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s