جيش اهان نفسة لطاعة الطاغية السيسي

تسأله ازاى جيش بيتدرب وبيتسلح بقاله ٤٧ سنه وتيجى عيال بشباشب وجلاليب فى صحره جرداء يعملوا فيه كده بدل المره الف وبنفس الطريقه ؟
يقولك دى مش عيال بشباشب دول متدربين اعلى تدريب .
طب انت مش متدرب اعلى تدريب ليه ؟ ايه الى مانعك ؟ مكسح ؟
اصلهم متسلحين اعلى تسليح ؟
طب انت ليه مش متسلح اعلى تسليح ؟ فين الدرونز والاقمار الصناعيه واجهزة التجسس والقناصه ؟. وفين تامين الحدود الى داخل منها اطنان السلاح والذخيره والاف الوحوش المدربه اعلى تدريب ؟
اصلهم مدعومين من الخارج .
طب ما الجيش بيتسلح وبياخد مليارات وبيتدرب مع الامريكان بقاله اربعين سنه ؟ وبيشتروا سلاح من المانيا وروسيا وايطاليا وانجلترا وبيصنعوا اطنان من السلاح فى عشرات المصانع!! ومدعومين من ميت مليون بالمال والشباب !! لزمته ايه دا كله ؟
انت مشفتش الامريكان حصل فيهم ايه فى العراق ؟
الامريكان كانوا محتلين بلد على بعد الاف الاميال من حدودهم لا فاهمين لغه ولا مجتمع ولا دين ولا اى حاجه انت فى بلدك وسط اهلك وناسك وعزوتك !!
اصل العساكر غلابه .
ليه بتحارب بعساكر غلابه ؟ ازاى درع وسيف الوطن يبقى مكون من غلابه ومساكين وياعينى يانى ياما ؟ فين الصقور والنسور والوحوش اكلى التعابين ؟
اصل اهالى سينا بيخبوهم ويدعموهم !!
ومين الى خلى الشعب يقلب على جيشه ويدعم ارهابين ولاد ش….. بعد ما كان بيخبى الجيش ويدعمه فى حربه على الاسرائيلين؟
اكيد احنا عملنا اخطاء بس…
مش كفايه بقه بسبسه و مليطه وتبرير وتسويف وعلوkيه ومتاجره بدم الغلابة و المساكين ؟!! هى سياسة الوليه الغلبانه الى عيالها بيدبحوا زى الخرفان والعياط عليهم مجاش الوقت انها تنتهى بقى ؟ سبع سنين و الاف مؤلفه من الضحايا والارامل والثكالا واليتاما مش كفايه ؟ هو الصح ان احنا نترحم و نمصمص شفايفنا وبعدين نقعد نسقف للمهندسين الى بدل ما يبنوا ويامنوا كماين ودشم مقضينها شقق وفلل وكبارى ومزارع و سمك وصوب وعمولات ؟ هو انت لما تسكت على الغلط المستمر الى ضحاياه بالالاف يبقى انت كده وطنى بتدعم الدوله والجيش ؟ لو هى دى الوطنيه يبقى حلال عليكم انا بقى ليا القصاص من الى عرى وباع وخان وقتل الغلابه دول . كفايه بقى كفايه !! حسبى الله ونعم الوكيل .
منقول

Published by

knight32747

I believe like others who believe in freedom and believe in the change, as I was sick of the leaders that we did not chose or even elect

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s